Stolt støttespelar for MIDTVEST-konferansen

Aktuelt

Vest-Telemark Næringsforum er igjen stolte av å vere ein sentral støttespelar for MIDTVEST-konferansen, som finn stad på Bø Hotell onsdag 13. november. Gjennom vårt samarbeid med konferansen, er vi med på å setje fokus på viktige tema for næringslivet i regionen, med særleg vekt på berekraft og framtidige moglegheiter. Det er med stor glede vi igjen skal vere med på å dele ut Bærekraftsprisen, ei utmerking som løftar fram dei som går føre for å skape ei grønare framtid i Vest-Telemark.

MIDTVEST-konferansen har etter kvart blitt ein viktig møteplass for heile næringslivet i regionen. Med eit program som inspirerer og utfordrar, samlar konferansen både små og store verksemder til ein dag fylt med fagleg påfyll, nettverksbygging og framtidsretta diskusjonar. Det er inga deltakaravgift for å vere med, men det er viktig å hugse på å melde seg på for å sikre seg plass.